Një lajm i trishtë për artin shqiptar. Është ndarë nga jeta piktori i madh shqiptar me origjinë nga Kërçova, Omer Kaleshi.

Lajmin e ka dhene miku i tij Luan Rama, i cili thotë se piktori autoportretin e fundit e la mbi kavalet, pa mundur ta përfundojë.

Një muaj më parë ai u zhvendos nga Parisi ku jetonte prej vitesh për tu vendosur në Stamboll. Ku edhe pse ne gjendje jo te mirë shëndetësore besonte se do ti rikthehej kavaletit të tij dhe të pikturojë përsëri.

Lexo edhe: Francë/ Shqiptarët e Parisit “përcjellin” piktorin Omer Kaleshi 

Omer Kaleshi ishte një piktor me famë botërore, i lindur në 1932 në Kërçovë të Maqedonisë së Veriut. Pas shumë udhëtimesh, pikturimesh dhe ekspozimesh në Stamboll, Romë, Vjenë, Mynih, Londër, Selanik, Beograd, Hagë, në vitin 1956 vendoset përfundimisht në Paris ku vazhdon të krijojë, ekspozojë dhe të jetë vazhdimisht i kërkuar për tablotë e tij.

Kaleshi ishte anëtar nderi i Akademisë së Shkencave dhe Arteve të Maqedonisë së Veriut.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.