Dhoma e Biznesit të Diasporës Shqiptare ka realizuar një takim online me sipërmarrës e  përfaqësues të sektorëve të ndryshëm të biznesit në Kosovë. Gjatë takimit u prezantuan shërbimet që ofron Dhoma e Biznesit si dhe projektet e realizuara. Në fjalën e tij Kryetari i Dhomës, Z. Ardian Leka ndër të tjera tha se interesi i përbashkët është bashkëpunimi midis sipërmarrësve shqiptarë kudo që ndodhen në Shqipëri, në troje e në Diasporë. “Ndaj e rëndësishme është që të gjendet një urë bashkëpunimi për të gjithë ne, kështu që kudo që ka shqiptarë të ketë edhe sipërmarrje të suksesshme” tha Z. Lekaj duke shtuar se të gjitha bashkëpunimet do të realizohen nëpërmjet Dhomave të Biznesit të regjistruara në vendet përkatëse.

Nën-Kryetarja Dr. Elisabeta Katiaj prezantoi për sipërmarrësit e pranishëm dhe aktorët e tjerë të interesit shërbimet që ofron Dhoma e Biznesit të Diasporës (shiko të plotë këtu) si dhe aktivitete e realizuara.

Duke filluar nga aktiviteti më i rëndësishëm për vitin 2022, “Tryeza e Donatorëve – Perspektivat e Investimit në Atdhe” i cili u realizua në fund të muajit mars. Gjithashtu znj. Katiaj prezantoi edhe dy projektet ambiciozë të Dhomës “Fluturo me Shqipen” dhe “Instrumentin Financiar i Diasporës” .

Qëllimi kryesor i projektit “Fluturo me shqipen” është të theksojë rëndësinë e produkteve “Made in Albania“ , promovimin e tyre si dhe të krijojë mbështetje për krijimin e një zinxhiri vlerash nga prodhimi në depërtimi i tregut, drejt konsumatorit shqiptar në diasporë. Pasi sipërmarrja e Diasporës zotëron kapacitetin e duhur për të rritur prodhimet vendase nëpërmjet fuqizimit të Markës Shqiptare. Në të njëjtën kohë, kjo nismë do të ketë një ndikim pozitiv në punësimi dhe rritjen e të ardhurave, duke kontribuar për një të  qëndrueshme ekonomisë.

Ndërsa projekti i dytë “Instrumenti financiar i Diasporës” synon krijimin e Logjistikës Financiare për Zhvillimin e Investimeve të Diasporës Shqiptare në Shqipëri, Maqedoninë e Veriut, Kosovë. Një instrument i cili do të ndikojë në  rritjen e bashkëpunimit ndërmjet sipërmarrjeve shqiptare në mbarë botën.

Gjithashtu në takim u prezantua edhe kalendari vjetor i Dhomës si dhe projektet e realizuara me sukses me donatorë kombëtar dhe ndërkombëtar si “Diaspora na mëson” dhe “Rrënjët e mia”.

Të pranishmit sipërmarrës nga sektorë të ndryshëm, si agroturizëm, artizanat, logjistikë, hoteleri turizëm etj u shprehën entuziast për një bashkëpunim të tillë i cili emërues të përbashkët ka kombin shqiptar.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.