Aeroporti Ndërkombëtar “Nënë Tereza” ka njoftuar se kompania e fluturimeve Wizz Air ka nisur fluturimet direkte drej Billund, Danimarkë. Fluturimet kryhen dy herë në javë çdo të mërkurë dhe të diel.
Billund njihet si vendlindja e tullave Lego, dhe parku tematik Legoland Billund është atraksioni më i madh i këtij vendi. Pranë gjendet edhe Lalandia, në parkun ujor Billund ku ka një aquadome tropikale.
Gjithashtu në Billund mund të vizitohet edhe Kongernes Jelling
Pjesë e Muzeut Kombëtar Danez, Kongernes Jelling është një atraksion që mund të vizitohet falas, dhe që ruan një monument viking të shekullit të 10-të të listuar në UNESCO, krijuar nga mbreti Harald Bluetooth.
Këtu, i gdhendur në gurë të mëdhenj, Harald përshkruan se si pushtoi Danimarkën dhe Norvegjinë dhe solli krishterimin në rajon.
Ajo shënon kalimin e Skandinavisë nga besimet pagane në monoteizëm.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.