Pak ditë më parë u mbyll në Bolzano, Itali festivali i filmit shqiptare, në ceremoninë përmbyllëse mori pjesë edhe Konsullata Shqiptare në Milano. Ky festival filmi në Bolzano, organizohet çdo vit dhe ky ishte edicioni i tij i 35-të dhe i dedikohej tërësisht filmave Shqiptar e Kosovar ku gjatë një jave u shfaqën 8 filma.
Organizatore e festivalit, shoqata “Arbëria”, theksoi fakti që filmat ishin të nivelit shumë të lartë, dhe temat e diskutuara shumë të forta.
Në provincën e Bolzano janë mbi 6300 shqiptarë, në të gjithë Rajonin Trentino Alto Adige mbi 12 mije, pa përfshirë ata që tani kanë shtetësinë Italiane.
Shoqata “Arberia”, e themeluar në vitin 2003, është një shoqatë aktive në këtë zone. Ndërsa presidenti i shoqatës z. Tritan Myftiu, dhe një nga organizatoret e këtij eventi znj. Mirela Tomassini, janë shumë aktiv në komunitet.
“Arbëria” gjithashtu është aktive dhe në sport, pasi ka edhe një skuadër futbolli me emrin “Arbëria”, e cila luan në kategorinë e dytë këtë vit.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.