Dje në ambientet e Shtëpisë Shqiptare në Hamilton, pronë e shoqatës më dinamike të shqiptarëve të Kanadasë, Shoqatës Shqiptare të këtij qyteti zhvilloi punimet Kuvendi i Gjashtë me radhë. Në fjalën e rastit kryetari Fatmir Laçi theksoi se kjo është kryesia me mandatin më të gjatë që prej themelimit të shoqates më 2010, sepse “siç e dini koha e pandemisë nuk na ka lejuar që vitin e kaluar ta mbajmë kuvendin zgjedhor me kohë të rregullt”. Ai theksoi se edhe gjatë këtij mandati kryesia dhe aktivistët janë munduar që ta vazhdojnë traditën e aktiviteteve të shoqatës, ku herë pas here nukka qenë e mundur shkaku i rregullave që vendoste Qeveria e Ontarios. “Kështu në kulmin e pandemisë, kur nuk dinim se çka të bënim, kemi dalë me idenë që të mbledhim një fond emergjent për shoqatën në Go Fund Me, ku kemi mbledhur rreth 17,000 dollarë nga shqiptarët e Hamiltonit dhe më gjerë. Kryesia falënderon të gjithë ata që edhe në këtë kohë të vështirë nuk e kanë kursyer buxhetin e tyre familjar për shoqatën”- u shpreh z. Laçi. Aty u vu theksi edhe tek Shkolla Shqipe, e cila gjatë kohës së pandemisë ka vazhduar online. Sipas të dhënave tona, Shkolla me pranine fizike të nxënesve në klasë, rikthehet në shtator. Pas diskutimeve rreth organizimit të shoqatës dhe komunitetit shqiptar në Hamilton, Kuvendi Zgjodhi 11 anëtarët e kryesisë. Sipas statutit në fuqi, kryesia në mbledhjen e saj të parë zgjodhi edhe krerët e saj: Pas zgjedhjeve kryesia e re mbajti mbledhjen e parë duke zgjedhur krerët e shoqatës: Fatmir Laçi, kryetar Elvira Kastrati- Zhubi, nënkryetare Driton Kolica, sekretar Laureta Berisha, sekretare Fitim Osmani, arkëtar Vlera Xhaferi Valmira Mustafa Veton Zhubi Ella Ibrahimi Eliza Dragusha Xhemail Feta, anëtarë të kryesisë. Mandati i kryesisë zgjat dy vjet.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.