Janë publikuar nominimet për mbrëmjen e çmimeve vjetore, Billboard Music Awards 2022.
Mbrëmja madhështore siç tashmë dihet vlerëson prodhimet muzikore më të dëgjuara të vitit dhe ato që kanë qëndruar më shumë në top listat e Billboard.
Evenimenti këtë vit do të transmetohet direkt nga MGM Grand Garden Arena në Las Vegas më 15 maj (e diel).
Këngëtarja shqiptare me famë botërore, Dua Lipa, është nominuar edhe këtë herë me gjithsej në nëntë kategori.
Krahas krijueses së hitit “Levitating”, i nominuar sivjet është edhe DJ i njohur nga Kosova, Regard.
Dua Lipa në Billboard Music Awards 2018 (Foto: Getty Images)
Dardan Aliu (emri i plotë) është nominuar për “Këngën më të mirë të zhanrit Dance/Electronic”, teksa garon me Elton John & Dua Lipa, “Cold Heart – PNAU Remix”, Farruko “Pepas”, Tiësto “The Business” dhe Travis Scott & Hvme “Goosebumps”.
Ai u nominua për këngën “You” në bashkëpunim me Troye Sivan dhe Tate McRae.
DJ Regard (Foto: Screenshot/Instagram)
Videoja e tyre e plotë u lansua rreth një vit më parë dhe ka marrë miliona klikime në YouTube. /Telegrafi/
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
