Manifestimi i Tiranës në mbështetje të popullit të Ukrainës nisi sot me një videomesazh të kryetarit të bashkisë së Kievit, Vitali Klitschko.

Kryebashkiaku Klitschko në mesazhin e tij falënderon Tiranën zyrtare, e cila po e mbështet në këto momente të vështira vendin e tij.

“Dua t’ju falënderoj për strehimin e refugjatëve nga Ukraina, sidomos të fëmijëve tanë. E çmojmë shumë mbështetjen tuaj politike dhe ndërkombëtare. Ndihma juaj është shumë e rëndësishme për ne në këto çaste kritike. E çmojmë shumë dhe nuk do e harrojmë kurrë kush janë miqtë e vërtetë të Ukrainës! Prioriteti ynë kryesor është ta ndalojmë këtë luftë të pakuptimtë në Ukrainë, të ndalojmë vrasjen e qytetarëve. E çmojmë shumë ndihmën tuaj dhe shumë të fala nga Kievi”, theksoi Klitschko.

Populli i Ukrainës prej javësh po përballet me agresionin rus, i cili ka shkaktuar deri tani mijëra viktima.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.