Kryeministri i ri Maqedonisë së Veriut ka publikuar listën e këshilltarëve ku vihet re reduktimi që ka bërë në dallim nga paraardhësit e ti
Kovaçevski ka vendosur që të ketë vetëm 15 këshilltarë të jashtëm, dhe se emrat e tyre janë bërë publik përmes një liste që e ka publikuar Fokus.
Nga 15 këshilltarët, kryeministri aktual është përkujdesur që të ketë edhe dy këshilltarë shqiptarë: Ismet Ramadani, veteran i politikës, i cili do ta këshilloj për proceset euroatlantike si dhe Edmond Ademi, zyrtar i LSDM i cili do të jetë për politikën e jashtme. Ademi me herët ka shërbyer si ministër pa portofol për Diasporën.
Në listën e këshilltarëve janë disa emra edhe nga kabineti i këshilltarëve të ish-kryeministrit Zoran Zaev.
Zoran Verushevski për siguri kombëtare, Nina Fiti dhe Predrag Trpevski për ekonomi, Dragan Vasilevski për mbrojtje, Vanco Çaushevski për Procesin e Berlinit, Anton Çaushevski për energjetikë. /INA/
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.