Në mbledhjen e ditës së sotme të qeverisë është miratuar vendimi për dhënien e shtetësisë shqiptare, shtetasve të huaj që kanë kontribute të spikatura në fushën e arsimit, shkencës dhe sportit.

Në daljen publike pas mbledhjes së Këshillit të Ministrave, Ministri i Brendshëm Bledi Çuçi tha se ky është një vendim që vjen si plotësim i një neni në ligjin e ri për shtetësinë që tashmë  është miratuar.

“E hap këtë të drejtë dhe përcakton të gjitha procedurat, kriteret dhe afatet e institucioneve shtetërore që janë të përfshira në këtë proces për dhënien sa më shpejt të shtetësisë shqiptare pikërisht për këta persona me cilësi të spikatura”, tha ai.

Çuçi shtoi se “me këtë vendim përveçse Shqipëria i trajton në mënyrë të veçantë personalitetet e arsimit dhe shkencës, si dhe b ën të mundur përthithjen e talenteve të reja apo rekordmenëve që nëpërmjet përfitimit të shtetësisë shqiptare të përfaqësojnë shtetin shqiptar në kompeticione ndërkombëtare”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.