Organizata shqiptaro-amerikane “Motrat Qiriazi” (AAWO) ka njoftuar se çmimi Gruaja e vitit 2022 i është akorduar Kozeta Zylo.
Gruaja e vitit është një çmim që AAWO akordon prej vitit 2001.
Kozeta Zylo ka lindur në Tepelenë. Ka mbaruar Universitetin “Aleksandër Xhuvani”, më 1978 për degën Gjuhë-Letërsi. Më pas ka punuar si mësuese e letërsisë në disa gjimnaze të Tiranës, kohë kur bashkëpunoi me gazetën “E Ardhmja” të gjimnazit “Çajupi” dhe u përfshi energjikisht në proceset demokratike.
Ajo mori pjesë aktive në krijimin e Partisë Demokristiane të Shqipërisë ku u zgjodh sekretare e saj dhe drejtonte gazetën “Ora e Shqipërisë”.
Në shkurt të vitit 1997 ajo u largua me familjen e saj ku u integrua me dinjitet në botën amerikane.
Shquhet ndër veprimtaret më aktive në Komunitetin Shqiptaro-Amerikan. Ajo është shkrimtare e mirënjohur në Diasporë e cila ka publikuar tetë libra dhe së fundmi edhe një libër për fëmijë.
Kozeta Zylo është një gazetare e shquar e Diasporës, artikujt e saj janë të publikuara në gazetat “Illyria”, “Dielli”, “NY”, “VOAL” Zvicër, Rumani, Shqipëri etj.
Libri “Diaspora si krah shqiponje” u pranua në Bibliotekën e Kongresit Amerikan, Washington DC. Ajo ka realizuar qindra intervista që nga njerëzit më të famshëm e deri tek ai më i thjeshti. Është shpallur gruaja dhe mësuesja e vitit në Diasporë nga organizata të njohura.
Zonja Zylo është shkrimtare, poete, publiciste, mësuese dhe bashkëthemeluese e Shkollave Shqipe “Alba Life” Ambasador i Kombit që operon në të gjitha lagjet e New York-ut dhe në Online.
Qemal dhe Keze Kozeta Zylo në bashkëpunim me familjen e tyre Dr.Valbona Zylo Watkins dhe Klodiana Zylo Halsted, CPA,·Director, dhe më vonë me gjithë mësuesit, koordinatoret e shkollës kanë organizuar për vite radhazi, Ditën e Flamurit si dhe veprimtari të tjera atdhetare, kulturore dhe patriotike për Shqipërinë, si dhe simpoziume për çështjen e Kosovës.
Sot veprimtaria e tyre kombëtare ka zenë vend nderi në librin e Senatit të New Yorkut. Ata kanë themeluar dhe drejtojnë gjithashtu TV “Alba Life” në New York, TV që ka pasqyruar ngjarjet më të rëndësishme kombëtare në Diasporë duke vajtur gjer në Capitol Hill, si dhe në Bashkinë e Nju Jorkut. Shkrimtarja Zylo ka realizuar qindra intervista që nga njerëzit më të famshëm e deri tek ai më i thjeshti. Ajo është shpallur gruaja dhe mësuesja e vitit në Diasporë nga organizata të njohura dhe vlerësuar me disa çmime.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
