Në qytetin e Livonias, Michigan ditën e sotme është kremtuar “Dita e shqiptare’, ku aktivitetet kanë kulmuar me ngritjen e Flamurit në bashkinë e qytetit.

“Sot ngritëm flamurin shqiptar në Bashkinë e Livonias, një ditë historike për komunitetin shqiptaro-amerikan! Livonia është një komunitet mikpritës, duke pranuar praninë e fortë shqiptaro-amerikane në shtetin dhe qytetin tonë. Familja ime dhe mijëra shqiptarë emigruan në Amerikë për shkak të lirive që gëzon ky vend i madh, ata erdhën këtu për shkak të mundësive që ofron nëse punoni shumë dhe unë sinqerisht e vlerësoj kryebashkiakun Brosnan dhe qytetin e Livonias që e bënë të mundur sot.

Zoti e bekoftë qytetin tonë, komunitetin tonë dhe këtë vend të madh të lirë”, shkruan këshilltari bashkiak me origjinë shqiptare dhe njëkohësisht iniciator i këtij aktiviteti Robert Gjonaj.

Është hera e parë në historinë e komunitetit që organizohet një ngjarja e përmasave të tilla. E iniciuar nga këshilltari shqiptar në Bashkinë e Qytetit të Livonias Rob Gjonaj Donovic kjo festë synon që të kthehet në traditë duke mbledhur shqiptarët nga të gjitha pjesët e Amerikës, në Michigan ku me krenari të  parakalojnë dhe festojnë ngritjen e flamurit kombëtar në godinën e qytetit.

Bashkë organizatori i këtij eventi dhe njëkohësisht kryetar i shoqatës Jehona e Malësisë (sponsore e aktivitetit) Vilson Sinishtaj ka shpjeguar më herët për “Diaspora Shqiptare” se kjo datë është zgjedhur për një arsye të veçantë. “6 prilli ka një simbolikë të veçantë për komunitetin tonë, është dita e kryengritjes së Malësisë së Madhe, e cila nisi edhe valën e kryengritjeve që çuan në shpalljen e Pavarësisë së Shqipërisë”, tha ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.