Ambasada e Republikës së Kosovës në bashkëpunim me Ambasadën e Shqipërisë ( Embassy of Albania, The Netherlands), kanë organizuar këtë fundjavë orët e leximit në gjuhën shqipe për fëmijët e Diasporës shqiptare në Holandë.
Ambasadori i Kosovës, Dren Doli dhe Ambasadorja e Shqipërisë, Adia Sakiqi e kanë vlerësuar si shumë të rëndësishme ruajtjen e gjuhës shqipe, si pjesë e rëndësishme e identitetit. Ata kanë premtuar se një aktivitet i tillë do të jetë tashmë i rregullt, ku përpos leximit në gjuhën shqipe për fëmijët, do të jetë edhe një mjet i rëndësishëm për takimin edhe të prindërve dhe rrjetizimin edhe më të mirë të Diasporës tonë.
Ky organizim është mbajtur në ambientet e ARKS në Hagë. “E falënderojmë shkrimtaren Albana Shala Carabela Books dhe Dutch Albanian Foundation, e cila ka lexuar për fëmijët e Diasporës tekste me poezi e tregime në gjuhën shqipe. Po ashtu, gjatë kësaj dite janë organizuar edhe kuize dhe lojëra që kanë për qëllim angazhimin më të madh të fëmijëve në përdorimin e gjuhës shqipe” thuhet ne njoftimin e ambasades se Kosoves.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
