Në kornizën e festimeve të 100 vjetorit të marrëdhënieve Shqipëri-Shba, ambasada amerikane në Shqiperi ditën e sotme ka publikuar një foto të viteve 1930.
Në foto janë ish Kryeministri Shqiptar Pandeli Vangjeli së bashku me të Dërguarin e Jashtëzakonshëm dhe Ministrin e Shteteve të Bashkuara në Tiranë Herman Bernstein 1930-1933 (majtas në qendër) në një drekë me rastin e përfundimit të mandatit të tij diplomatik në Shqipëri.
Gjithashtu, nga pala shqiptare merrnin pjesë Ministri i Punëve të Jashtmë Xhafer Vila, deputetët Mehmet Konica dhe Benedikt Blinishti nga Komisioni për Politikën e Jashtme.
Gjatë mandatit të tij, Ministri Bernstain hyri në kontakte të afërta me segmente të ndryshme të shoqërisë shqiptare për ti njohur më mirë shqiptarët dhe për ti prezantuar korrekt në Uashingtonin zyrtar.
Vlen të theksohet se gjatë kohës së tij u nënshkrua Traktati i Natyralizimit në vitin 1930 dhe ai i Ekstradimit në vitin 1932. Si i tillë gëzonte respektin e shqiptarëve shumë prej të cilëve i bëri miq.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
