Kritika gjermane ka shkruar me superlativa për Violetën e sopranos shqiptare Elbenita Kajtazi, pas shfaqjes së “La Traviatës” së Verdit në Hamburg.
“Miq të dashur jam e lumtur të ndaj me ju disa nga kritikat gjermane në lidhje me interpretimin e rolit të Violetes nga La Traviata këtu në Hamburg” shkruan vetë artistja në profilin e saj në facebook. Suksesin e sopranos shqiptare e ka mbështetur edhe sopranoja e njohur Ermonela Jaho.
“Suksesi yt Elbenita Kajtazi është fryti i punës tende kolosale që kurorëzohet me duartrokitje e standing ovation të publikut, ku isha dhe vete e pranishme. Asgjë nuk është e pamundur në jetë. Krenare për ty” shkruan diva Ermonela Jaho.
“Shfaqja ishte një triumf për sopranon e re, të pëlqyeshme 30-vjeçare, Elbenita Kajtazi.
Nuk e kam përjetuar kurrë më parë që pas përfundimit të operës kur perdja hapet dhe Violeta qëndron e vetme ne skenë publiku të ngrihej si një menjëherë në këmbë dhe ta duartrokas plot ngazëllim për disa minuta.
Elbenita Kajtazi pranon ovacione të gjata nga publiku i Staatsoper Hamburg i cili u ngrit në këmbë për të” shkruan” Dr. Ralf Ëegner, nga klassik-begeistert.de.
“Elbenita Kajtazin nuk e kisha pasur në radar, siç thonë, dhe e kam dëgjuar vetëm një herë më parë, si Naiade në Ariadne auf Naxos. Disa ditë më parë ajo interpretoi këngën e hënës nga opera Rusalka e Dvořák në Koncertin e Solidaritetit për Ukrainën dhe më la një përshtypje të madhe me timbrin e saj të bukur, mjaft të errët dhe interpretimin e saj ekspresiv dhe të thellë shpirtëror. Kjo është arsyeja pse ne morëm biletat në një njoftim të shkurtër për performancën e sotme të Traviata-s”.
Mbrëmja e shfaqjes La Traviata ishte triumfi i Elbenita Kajtazit, e cila interpretoi rolin e Violetës me një entuziazëm të madh. Këngëtarja ka një timbër magjepsës, jo aq të errët tek Violetta si në arien Rusalka, por ka një zë të fortë dhe gjithmonë ka një tingull të bukur mbi të gjitha uljet dhe ngritjet e rolit me një vibrato shumë të lehtë që shërben për të shprehur ndjeshmërin e shpirtit të saj.
Rrallë herë më ka rastisur të dëgjoj një kombinim kaq të mrekullueshëm të koloraturës në Sempre libera në aktin e parë, me rrjedhën e zërit bashkë me Giorgio Germont në aktin e dytë, shpërthimin liriko-dramatik në aktin e tretë si dhe interpretimin e Aries Addio del passato në aktin e katërt.
Koloraturat e Kajtazit kanë qenë delikate, të pastërta, të këndshme si perla që rrotullohen duke shprehur ndjenjën e lumturisë ende të pasigurt në dashuri. Pjesën lirike në imazhin e parë të aktit të dytë e krijojë me një të butësi pa vërejtur ndonjë gjurmë të hidhërimit dhe trishtimit, por ajo nuk iu shmang përdorimit dramatik në imazhin e tretë të aktit të dytë dhe ishte plotësisht bindëse në skenën e vdekjës në aktin e tretë.
Gjithsesi, ishte një triumf për sopranon e re 30-vjeçare, Elbenita Kajtazi. Nuk e kam përjetuar kurrë më parë që publiku të ngrihej menjëherë si një, pas përfundimit të operës në perden e parë, kur Violetta hyri e vetme në skenë dhe u duartrokit plot ngazëllim për disa minuta. Shihej gëzimi i Elbenita Kajtazit për këtë sukses të bukur të këngëtares që i përket ansamblit të Hamburgut” shkruan Klassik-begeistert
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
