Lokomotiva Zagreb fitoi 4 – 1 në transfertë me Sibenik. Një përballje ku lojtarët shqiptarë shënuan për të dy ekipet. Eros Grezda realizoi në minutën e 14 për vendasit.

Grezda mori një pasim të bukur nga Marin, duke realizuar me kokë ndaj ish-ekipit të tij me pjesën e parë që u mbyll me rezultatin 1 – 0. Ky ishte goli i parë për 26-vjeçarin në këtë sezon të kampionatit kroat.

Në pjesën e dytë erdhi përmbysja e Lokomotiva Zagreb ku realizoi një tjetër shqiptar. Indrit Tuci i cili vitin e kaluar qëndroi gjatë larg fushave për shkak të një dëmtimi shënoi pas 14 muajsh. Tuci u përfshi në lojë në të 56’ dhe realizoi në minutat e fundit golin e katërt për Lokomotiva. /Tv Klan/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.