Në Dubai të Emirateve të Bashkuara Arabe prej 1 tetorit po mbahet panairi botëror “Expo 2020 Dubai”. Një ekspozitë gjigande me katër shtylla kryesore  Mundësi (Opportunity), Levizshmëri (Mobility) dhe Qëndrueshmëri (Sustainability) duke shërbyer edhe si platforma që nxitin kreativitetin, inovacionin dhe bashkëpunimin global. Dita e sotme ka qene e dedikuar për Shqipërinë. I pranishëm kryeministri Edi Rama u shpreh se “Gjendemi këtu për të festuar praninë e Shqipërisë mes 192 vendesh që janë mbledhur në këtë ekspozitë të Dubait. Me krenari e mirënjohje të madhe që erdhëm këtu në një vend mjaft mik me të cilin falë një njeriu vërtet të veçantë të shehut Mohammed Bin Salman ne kemi një historik solidariteti humanizmi dhe miqësie. Në këtë Expo të jashtëzakonshme gjithkush ka mundësinë që të shikojë sesa i madh është potenciali për të bërë mirë i vendeve të botës nëse janë bashkë. Midis kaq shumë vendesh te jesh i vogël ne jemi një prani modeste sot por besoj se jemi mes vendeve që mbetemi për tu zbuluar dhe për tu shijuar nga njerëzit nga Evropa dhe lindja e mesme”.

Në panair janë pjesëmarrëse 190 shtete si edhe miliona vizitorë nga e gjithë bota.

Pavijoni i Shqipërisë në EXPO 2020 DUBAI është menduar të jetë simbol i identitetit kombëtar, duke

pasqyruar një Shqipëri me ngjyra, të re dhe dinamike, e cila ofron një destinacion mjaft tërheqës turizmi dhe në të njëjtën kohë një destinacion për investime të huaja, duke evidentuar avantazhet dhe potencialet që Shqipëria mbart, si dhe duke reflektuar filozofinë dhe prioritetet e EXPO 2020 DUBAI.

Titulli i pavijonit është “Albania a Timeless Trip”dhe është i vendosur në zonën e Lëvizshmërisë (Mobility), e cila ka në fokus krijimin dhe prezantimin e urave lidhëse fizike dhe virtuale produktive për lëvizjen e njerëzve, mallrave dhe ideve, duke siguruar qasje më të lehtë në tregje, njohuri dhe inovacion.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.