Hidhet dritë mbi vrasjen makabre të Armando dhe Ekleida Kloçi, me dy fëmijët e tyre të mitur në Andravida, Greqi. Sot në orën12:0 vrasësi, që u arrestua mesnatën e të enjtes, do paraqitet në prokurori, ndërkohë që zbulohen detaje shokuese  nga e kaluara e tij. Në moshën 15 vjeçare kishte qëlluar me armë në këmbë një bashkëmoshatar, kishte konflikte të vazhdueshme dhe vriste qenusha e kafshë me silenciator. Policia po heton dhe jetën private, pasi pasuria e madhe ngjall dyshime për veprimtari kriminale. Vrasësi ka dy divorce, dy fëmijë të rritur, por jetonte vetëm  në një vilë luksoze 500 m2,  me sistem të lartë sigurie e kishte një makinë luksoze. Në të kaluarën ishte i njohur në kazinot e zonës ku kishte fituar shuma të mëdha. Sipas dëshmisë së tij në polici, çiftin shqiptar e vrau për borxhe të qirasë rreth 1000 euro. Avokati i familjes së  viktimave ka bërë të ditur se kanë përfunduar procedurat pas autopsisë  dhe se shumë shpejt do të dërgohen në Shqipëri ku të afërmit presin të kryejnë ceremoninë mortore. Banorët e Ilias janë të shokuar nga krimi i paprecedentë në zonën e tyre, ndërsa ngjarjen e ka dënuar ashpër mbarë opinioni publik në vend.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.