Pasi ka bindur vendin e tij për të “marrë seriozisht” marrëveshjen për pensionet e shqiptarëve që jetojnë në Itali, Senatori italian Tomasso Nannicini ka mbërritur në Shqipëri për të nxitur edhe palën shqiptare për finalizimin sa më shpejt të marrëveshjes së shumëpritur për mijëra shqiptarë.

Ditën e sotme Nannicini dhe aktivistja shqiptare Geri Ballo  janë takuar me kryeministrin Edi Rama.

“Ne premtuam se do të bëjmë gjithçka që mundemi për të mbyllur fazat e marrëveshjes së pensioneve Itali-Shqipëri brenda një viti dhe po e bëjmë me vendosmëri. Edhe në këto ditë shqetësimi dhe shqetësimi të thellë për Ukrainën” ka shkruar Nanicini në facebook, duke shpjeguar më tej se kryeministri Edi Rama i tregoi përkushtimin e tij për pensionet e lindura nga lidhja me komunitetin shqiptar në Itali” .

“Në Shqipëri kemi nisur një tjetër punë koordinuese me Qeverinë që të mos humbasim asnjë minutë kohë në fazat e ndryshme të procesit. Faleminderit Giovanni dhe Tommaso për këtë betejë të bashkuar. Faleminderit të gjithëve për mbështetjen! Një falenderim i veçantë shkon për ambasadorin italian në Shqipëri Fabrizio Bucci”, shkruan Bello.

Në dhjetor të vitit të kaluar Parlamenti italian miratoi normën për krijimin e fondit specifik prej 7,6 milionë euro për aktivizimin e marrëveshjes dypalëshe për sigurimet shoqërore me Shqipërinë dhe për t’u garantuar punonjësve të interesuar njohjen e të drejtës për përfitime të sigurimeve shoqërore. Falë punës këmbëngulëse të senatorit Tommaso Nannicini, i cili paraqiti këtë amendament, dhe të aktivistes italo-shqiptare Geri Ballo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.