Në Universitetin e Zagrebit, që prej ditës së djeshme është bërë pjesë e kurikulave mësimore edhe lënda Historia e popullit shqiptarë. Në Fakultetin e Studimeve Kroate, u hap moduli, kësaj here si lëndë zgjedhore – Historia e popullit shqiptar, ku studentëve të historisë do tu ligjërohet për  historinë, identitetin dhe kulturën shqiptare.

Kjo lëndë do të mbahet nga profesor eminent kroat. Të pranishëm në leksionin e parë ishin edhe deputetja shqiptare znj. Ermina Lekaj Përlaskaj, si dhe ambasadori i Republikës së Kosovës në Kroaci Dr. Martin Berishaj.

Në fjalën e vet deputetja shqiptare falenderoi ligjëruesit prof. Joško Pavković, prof.  Stjepan Ćosić dhe paralajmëroi se si ligjerues do të jenë krahas profesorëve kroat edhe profesori Berishaj që tashmë është edhe ambasadori ynë këtu në Kroaci.

Dr. Berishaj, ne fjalën e vet shprehi kënaqësinë se do të jenë njëkohësisht edhe ligjerues në këtë lëndë, e që, studentëve kroat do tu ofrojë atz pjesë të munguar deri tani,  pra, atë të historisë së mëndimit politik shqiptarë.

Prof Ćosić i cili njëkohësisht ishte edhe drejtor i Arhivit të Dubrovnikut, shtoi se lënda e historisë shqiptare është ogur i mirë për shkencën kroate në departamentin e historisë kroate dhe se ajo do të pasurohet me dije nga lënda e historisë shqiptare, e cila studentëve do tu hapin rrugë për ta kuptuar sa më mirë dimensionin shqiptarë shkencorë nga Iliria e deri ne ditët e sotme.

Prof. Joško Pavković, studentëve u uroi shtegëtim shkencorë në literaturë shteruese lidhur me shqiptarë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.