Ambasada shqiptare në Gjermani ka njoftuar se duke filluar nga data 7 mars, nuk do të jetë më e mundur tërheqja e dokumenteve fizikisht pranë ambienteve të saj. Përfaqësia shqiptare nuk ka dhënë sqarime për këtë vendim por ka njoftuar se dokumentat do të dorëzohen nëpërmjet shërbimit postar

Njoftimi i plotë:

“Nga data 07 Mars deri 31 Mars nuk ka shpërndarje dokumentesh (pasaporte dhe kartë) me prani fizike në ambasadë por vetëm në rrugë poste ndaj lutemi merrni masa për sjelljen e zarfeve për dërgim me postë nga ambasada te dokumenteve (pasaportë dhe kartë)”.

Ndërkohë bën me dije se shtetasit shqiptarë që kanë aplikuar për Pashaportë dhe Kartë Identiteti pranë ambasadës së RSH në Berlin nga data 31 janar deri 11 shkurt 2022 dhe nga 14 deri 18 shkurt 2022 mund të paraqiten në ambasadë për marrjen e dokumenteve çdo ditë nga e hëna deri të premten nga ora 09 deri 12.00.

Shtetasit që kanë lënë zarf të saktë për dërgimin me postë, dokumentet janë dërguar me postë nga ambasada.

Gjatë ditëve të festave zyrtare sipas kalendarit shqiptar dhe ditën kombëtare të Gjermanisë ambasada nuk punon.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.