Ambasada shqiptare në Vjenë ka njoftuar se Austria ka ndryshuar masat për njerëzit që udhëtojnë drejt vendit. Sipas njoftimit të ambasadës të gjithë ata që hyjnë në Austri duhet të tregojnë: Dëshmi të vaksinimit të plotë (të paktën 2 doza) ose dëshmi e shërimit nga Covid (dokumenti mjekësor duhet të tregojë datën e shërimit) ose një test negativ PCR (të vlefshëm për 72 orë) ose një Test Antigen negativ (të vlefshëm për 24 orë). Që prej 1 shkurtit 2022, vaksinat me dy doza janë të vlefshme vetëm për 180 ditë në Austri (përjashtim: 210 ditë për moshat nën 18 vjeç) ndërsa doza e tretë është e vlefshme për 270 ditë.

Ndërsa dëshmia e shërimit mund të përdoret për 180 ditë për të hyrë në Austri. Nevojitet një çertifikatë mjekësore që përfshin datën e shërimit.

Përjashtimet për Fëmijët

Fëmijët nën moshën 12 vjeç nuk kanë nevojë të paraqesin dëshmi të vaksinimit/shërimit ose një test.

Hyrja në Austri pa prova “3-G”.

Nëse udhëtoni në Austri pa dëshmi vaksinimi/shërimi ose test negativ, duhet menjëherë të izoloheni. Sapo të keni një test negativ, mund të largoheni nga karantina. Ju lutemi gjeni informacione rreth testeve në Austri këtu.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.