Prania e arbëreshëve në rajonin e Abruzzo-s sot identifikohet kryesisht me vendbanimin Villa Badessa (në gjuhën arbëreshe: Badhesa).
Këtë qytezë arbëreshe që u themelua nga një grup familjesh të shpërngulura nga Piqerasi, fshat në jug të Shqipërisë, e vizitova më 10 Shkurt 2022, në sgoqërim të Osman Osmanit, Shenasi Aliut dhe Ilir Xheladinit nga Zvicra dhe Hazir Mehmetit nga Austria.
Teksti e fotot Rexhep Rifati
Vala e fundit të arbëreshëve cilët u sistemuan në territorin italian, ishin shqiptarët e Badhezës 1743 (Villa Badessa), kërkova që edhe unë, vizitën time të fundit në 50 ngulimeve arbëreshe, ta mbyllja me Badesën.
Arbëreshët e Badhesës kur mbritën në Itali gjetën ngrohtësi dhe mikpritje në Mbretërinë e Napolit.
Në Badhesa gjuha arbëreshe flitet pak, por identiteti ruhet në ritualin liturgjik bizantin. Sot ekziston një kishë e ritit greko-bizantin, e cila i përket Eparkisë së Lungro-s, në Kalabri.
Maximilian Lambertz, filologu dhe gjuhëtari nga Vjena, më 1912-1913, kreu kërkimet gjuhësore në popullsinë e Badhesës. Imazhet e tyre me veshjet karakteristike ruhen ende sot në Arkivin Fotografik të Bibliotekës Kombëtare Austriake të Vjenës (Bildarchiv der Österreichischen Nationalbibliothek, Wien), duke u bërë kështu të përjetshëm.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
