Lidhja e Mësuesve Shqiptarë në Greqi (LMShG) dhe kurset e mësimit plotësues të gjuhës shqipe, festuan 14 vjetorin e Pavarësisë së Kosovës dhe Ditën Ndërkombëtare të Gjuhës Amtare me temë: “Shqipëri Kosovë një Komb, një Gjuhë”.
Aktivitetin e nderuan me pjesëmarrjen dhe përshëndetjen e tyre:
znj, Joneda Dodaj, Oficere Kordinatore pranë Ambasadës së Republikës së Shqipërisë në Athinë. Zoti Fitim Gllareva, Drejtues i Zyrës së Interesave të Kosovës në Athinë, Greqi. Z.Ermal Sulaj, Kryetar I Komunitetit SHqiptar në Greqi (KSHG). Znj. Mimoza Hysa, Drejtoresh e Qendra e Botimeve për Diasporën. Z. Ymer Avdiu, MPJD drejtor në Departamentin për Arsim në Diasporë. Z. Vaxhid Sejdiu, Kryetar i Këshillit Koordinues të Arsimtarëve në Diasporë (KKAD) Znj. Olimbi Velaj, Drejtoreshë e Departamentit të Letërsisë, Fakulteti i Edukimit në Universitetin Aleksandës Moisiu, Durrës. Nuhi Gashi, ish kordinator për gjuhën shqipe në Diasporë, Ministria e Arsimit, Shkencave dhe Teknologjisë së Kosovë. Irfan Abazaj, Sekretar i Përgjithshëm i Komunitetit Shqiptar Greqi. Z. Hazir Mehmeti, Kryetar i Lidhjes së Shkrimtarëve dhe Krijuesve Shqiptarë ‘’Aleksandër Mojsiu’’. Z. Sokol Gjoka, Kryetar i Komunitetit Shqiptar Rrethimno Greqi.
Fjalën e hapjes së aktivitetit e mbajti kryetari i LMShG-së, z. Pjerin Lleshi i cili përgëzoi punën e palodhur të mësuesve vullnetarë dhe theksoi domosdoshmërinë e ndërgjegjësimit të të gjithë emigrantëve shqiptarë për ruajtjen e trashëgiminë e gjuhës shqipe në breza.
Më pas, pjesëmarrësit, të ftuar dhe mësues ndoqën programin festiv që mësuesit dhe nxënësit e kurseve aktive të gjuhës shqipe kishin përgatitur me merak e pasion për këtë ditë të shënuar.
Kurset pjesëmarrëse në aktivitet ishin:
1) KURSI ‘’FRANG BARDHI’’ IRAKLIO – KRETË.
2) KURSI PRANË SHOQATËS “JETA” – ATHINË
3) KURSI ”FRANG BARDHI” RRETHYMNO – KRETË.
4) KURSI I KATERINIT.
5) KURSI I KAVALLES.
6) KURSI ”UDHA E SHKRONJAVE” – KORINTHOS.
7) KURSI PRANË ‘’SH.E.SH.G’’
8 )KURSI I LMSHG – së.
9) KURSI ‘’RRJETI PËR TË DREJTAT E FËMIJËVE’’
10) KURSI “NEA SMIRNI’’
11) KURSI ‘’ SHTËPIA SHQIPTARE PORTA’’ – ATHNË
12) KURSI ‘’KIPSELI ON-LINE’’
13) KURSI ‘’FARI I DIJES’’ – HANIA
Një atmosferë të veçantë i dha aktivitetit muzikanti Sokrat Kana, i cili interpretoi në violinçel pjesë nga kompozitorë të njohur shqiptarë.
Anëtarët e Kryesisë, sollën dhe lexuan informacione të përzgjedhura për historinë e Kosovës dhe rolin që luan gjuha shqipe në ruajtjen e identitetit kombëtar të një populli.
Në përfundim të aktivitetit, midis të ftuarve dhe mësuesve u zhvillua një bisedë e ngrohtë dhe e vlefshme, në të cilën u diskutuan problemet me të cilat hasen çdo ditë mësuesit e gjuhës shqipe dhe rrugët e mundshme që ekzistojnë për kapërcimin e tyre.
Kryesia e LMSHG – së përgëzon dhe falënderon mësuesit e kurseve dhe nxënësit e tyre për kujdesin e përgatitjes së programit dhe përfaqësimin dinjitoz edhe këtë herë. Një falënderim të veçantë znj. Klarita Selmanaj, zëvendëskryetare e LMSHG – së për Kretën dhe ishujt, për organizimin dhe mbarëvajtjen e aktivitetit.
Festa të tilla na sjellin pranë njëri – tjetrit dhe na bashkojnë për një qëllim të përbashkët e të shenjtë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
