Edhe një herë hidhen sytë tek Shqipëria, historia e tridhjetë viteve më parë përforcon bashkimin dhe bashkëpunimin midis dy realiteteve, midis dy popujve që nuk hezitojnë të konsiderohen dhe tu drejtohen njëri-tjetrit me vëllazëri.
Në Përvjetorin e Dyte të Takimit të Peshkopëve të Mesdheut në Bari në shkurt të 2020, në të njëjtën kohë të ritakimit në Firence (23-27 shkurt 2022), Kryepeshkopata e Bari-Bitonto, dëshiron jo vetëm të përkujtojë por edhe të rilind thirrjen dhe nevojshmërinë për të qenë urë në Mesdhe.
Këtë vit, jo shumë muaj pas 30 vjetorit te anijes Vlora, kane vendosur të përqendrohen tek marrëdhëniet e krijuara me Shqipërinë.
Dëshmi të shumta italiane dhe shqiptare do jenë pjesë e këtij skenari ku do të mbizotërojnë tregimet dhe reflektimet mbi të shkuarën, të tashmen dhe të ardhmen e marrëdhënieve shoqërore e fetare ndërmjet dy vendeve.
Nuk do mungojnë pjesë të një momenti lutjeje.
Ky takim do të mbahet në Katedralen Shën Nikollës në Bari ditën e shtunë, me datë 26 shkurt 2022 në orën 18.00, mund të ndiqet edhe në streaming youtube të Dioqezës Bari – Bitonto.
Programi do jetë i hartuar në të shkuarën, të sotmen dhe të ardhmen. Aspektet e kohës të lidhura me të njëjtën kryefjalë qendrore, Anija.
Anija e të shkuarës e prezantuar me kujtime nga momenti i mbërritjes, i zbarkimit, dëshmi që do sjelle i biri i Kryebashkiakut Enrico Dalfino, avokati Giuseppe Dalfino. Do plotësojë këtë akt të parë Pino Rana, vullnetar dhe i pranishëm në vendngjarje në ato ditë të nxehta gushti.
Këto vite sakrificash, pune, vuajtjesh dhe kurajoje na kanë sjelle tek anija e sotme. Aspekte këto që do të përshkruhen nga elemente rritjeje të rrymës së re diplomatike që aktualisht përjetojmë, të treguara dhe prezantuara nga Konsullja e Përgjithshme e Republikes së Shqipërisë në Bari znj.Gentiana Mburimi me pjesëmarrjen e Shoqatës “Shqiponjat e Mëndafshta” dhe të fëmijëve të shkollës se gjuhes shqipe në Bari. Por ka dhe një tjetër Anije, ajo e Përhershmja, që përjetëson evolucion por nuk humbet objektivin bashkë me pikësynimet. Anija që nuk njeh breza por edukon dhe përgatit. Ajo e përgjegjësisë dhe e dëshirës për të dhuruar, anija e vullnetit ku nuk përkulet para asnjë demoralizimi shoqëror apo rrethanash. Kush me mire se Imzot Gjergj Meta Peshkop i Rrëshenit, i ardhur posaçërisht nga Shqipëria, mund të na e përshkruaj dhe komentojë.
E gjithë kjo iniciative është bërë falë dëshirës dhe këmbënguljes së Shkëlqesisë së Tij Imzot Giuseppe Satriano, Kryepeshkop i Bari-Bitonto. Nuk është hera e pare që mbështet dhe i jep zë komunitetit shqiptar këtu në Bari. Dhe në këtë event do jetë personalisht të drejtoje lutjen ekumenike.
Edhe pse përtej detit, me anë të këtyre iniciativave sillet një pjesë e Shqipërisë, e kryesuar nga ndërgjegjësimi, respekti dhe dashuria për njëri-tjetrin. Një event ku shkëmbimet e opinioneve eksperiencave, ideve dhe dëshirave mund të shërbejnë për përmirësim dhe mësim për të gjithë në. /Material i përgatitur nga ““Shqiponjat e Mëndafshta”/
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
