Ministria për Evropën dhe Punët e Jashtme njofton se Këshilli ka përditësuar rekomandimin për heqjen e masave kufizuese për udhëtimet jo-thelbësore drejt Bashkimit Evropian. Referuar rekomandimit, shtetet anëtare të BE-së duhet të lejojnë udhëtimet jo-thelbësore edhe për vendet e treta që janë pjesë e listës së BE-së për heqjen e kufizimeve, ku përfshihet edhe Shqipëria.
Duke filluar nga data 1 mars, do të lejohen të udhëtojnë drejt vendeve të BE-së:
- Personat e vaksinuar me një vaksinë të miratuar nga BE ose OBSH, me kushtin që të kenë kaluar të paktën 14 ditë nga marrja e dozës së fundit dhe jo më shumë se 270 ditë para mbërritjes në një shtet të BE-së;
- Personat e rikuperuar nga COVID-19;
- Për disa nga këta udhëtarë, mund të zbatohen masa shtesë si testimi PCR përpara udhëtimit.
- Për fëmijët e moshës nën 6 vjeç, Këshilli rekomandon të mos kërkohet apo zbatohet asnjë masë shtesë.
Kujdes! Shtetet anëtare të BE-së gjithashtu mund aplikojnë masa shtesë si karantinimi. Rekomandimi i Këshillit do të rishikohet sërish brenda datës 30 prill 2022 nga Komisioni Evropian.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.