Janë rreth 2 mijë shqiptarë në Zvicër të cilët do të përfitojnë nga marrëveshja e nënshkruar pak minuta më pare nga Ministrja e Financave dhe Ekonomisë Delina Ibrahimaj dhe Ministri për Çështjet e Brendshme, Shëndetësisë dhe Mbrojtjen Sociale të Zvicrës, Alain Berset në Kuadër të fushës së mbrojtjes shoqërore mes dy vendeve

“Ne sapo nënshkruam një marrëveshje shumë të rëndësishme me qeverinë Zviceriane në kuadër te fushës së mbrojtjes shoqërore e cila konfirmon edhe një herë vullnetin e të dy qeverive për bashkëpunim të mëtejshëm. Ndër vite shqiptarët që jetojnë dhe punojnë në Zvicër kanë pasur një problematikë, njohjen e pensioneve dhe njohjen e viteve të punës pra të sigurimeve shoqerore. Janë rreth 2 mijë shqiptarë të cilët në bazë të kësaj marrëveshje do të përfitojnë njohjen e viteve të pensioneve. Me firmosjen e kësaj marrëveshje do të nisin disa procedura burokratike të miratimit të marrëveshjes në parlamente. Të dyja palët do të angazhohemi që për një periudhë sa më të shkurtër ta miratojmë, në dy parlamenteve dhe të marrim miratimin e Presidentëve. Vetëm në atë moment kjo marrëveshje do të jetë aktive dhe të gjithë personat do të përfitojnë nga benefitet e saj” tha Ibrahimaj.

Ndërsa Berset duke shprehur kënaqësinë e vizitës në Tirabë tha: Jam i lumtur që do të zgjerojmë ditën e sotme marrëdhëniet dy palëshe përmes nënshkrimit sëbashku me ministren Ibrahimaj  marrëveshjen e sigurimeve shoqërore. Kjo marrëveshje respekton tërësisht standardet ndërkombëtare dhe sjell të mira të konsiderueshme për të dy vendet. Këto negociata u zhvilluan në një atmosferë tejet të shkëlqyer dhe do të doja të falënderoja të dyja të dyja delegacionet përkatëse për bashkëpunimin e shkëlqyer i cili çoi në krijimin e marrëveshjes së sigurimeve shoqërore dhe marrëveshjeve administrative që rregullojnë zbatimin e saj. Jam bësimplotë që kjo marrëveshje është  gjithëpërfshirëse dhe krijon një bazë bashkëpunimi mes dy vendeve dhe administratave tona në lidhje me sigurimet shoqërore dhe gjithashtu janë besimplotë se kjo sjell ndryshime  pozitive për qytetarët tanë dhe shkëmbime ekonomike mes vendeve tona.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.