U bënë 14 vite që kur Kosova deklaroi Pavarësinë si shteti me i ri në Europë, dhe për të nderuar këtë ngjarje historike, për herë të parë nxënësit që mësojnë gjuhën shqipe në Athinë zhvilluan një konkurs, ku përmes tij festuan simbolikisht ekzistencën e 14- vjetorit të shtetit të Republikës së Kosovës.
Ky kuiz u zhvillua midis tri pikave shkollore të mësimit të gjuhës shqipe në Athinë.
- Pika shkollore në Rendi.
2.Pika shkollore në Aspropirgo.
- Pika shkollore në Athine.
Nga çdo pikë shkollore u zgjodh një përfaqësi prej pesë nxenësish.
Kuizi u zhvillua në sallën e Shkollës Publike Greke 133 në Athinë, ku njëkohësisht falenderojmë drejtorinë e kësaj shkolle.
Ky kuiz për Kosovën në një ditë të tillë festive ishte një pikë takimi midis tyre ku duke i argëtuar nxënësit i nxisim të mësojnë e të njohin më shumë historinë dhe kulturën kombëtare shqiptare.
Moderatore e këtij kuizi ishte mësuesja vullnetare e gjuhës shqipe Lefteri Metkaj.
Ideja lindi si detyrë që kemi ndaj nxënësve tanë, ndaj shoqërisë shqiptare, ndaj shtetit të Republikës së Kosovës, por dhe nga detyra e zhvillimit të ndjenjës dhe edukimit kombëtar që ne si mësues të Diasporës e kemi mision të vazhdueshëm.
Ajo që na gëzoi më shumë në këtë kuiz ishte përgatitja e shkëlqyer e këtyre nxënësve ku duke punuar me seriozitet dhe dashuri sollën në këtë konkurs një garë dinjitoze që dallohej tek të gjithë nxënësit me përgjigjet e tyre të sakta, ku garuan me sukses midis tri kurseve të gjuhës shqipe.
Pika shkollore e Rendit erdhi në këtë garë kuizi me përfaqësuesit e saj: Katalinen, Iliando, Klaudia, Resmina, Asi.
Pika shkollore Aspropirgo: Angjelo, Xhesi, Era, Nikola, Noel.
Pika shkollore Athinë me: Mikaela, Arli, Melina, Rafaeli, Leo.
Ishte një pasdite e mbushur me emocione për të gjithë!
Këtë veprimtari shkollore e nderoi me pjesëmarrjen e tij, Ambasadori i Zyrës së Kosovës në Athinë, z.Fitim Gllareva, i cili u shtoi fëmijëve dhe gjithë pjesëmarrësve entuziazmin festiv. Ishim të gëzuar ku midis nesh kishim një personalitet nga Shteti i Kosovës dhe do të festonim së bashku.
Kudo shihje zbukurime! Te qeshurat gazmore të fëmijëve, hareja, ngjyrat bluverdhë simbol i Flamurit të Kosovës i dhanë dritë hareje buzëqeshjes së fëmijëve, dhe e benë me festive e me ndriçuese këtë veprimtari. Prindërit dhe të ftuarit qëndrojnë në sallë.
Gjithçka ishte gati për të filluar kuizin që kaq shumë përgatitje ishin bërë. Ftohen pranë jurisë tri përfaqësuesit e grupeve.
Hidhet shorti se cili do të jetë grupi kapelëverdhë, grupi kapelëkaltër dhe grupi kapelëblu. Grupet zunë vendet.
Erdhi dhe çasti solemn i këndimit të Himnit të Kosovës. Papritmas fëmijet bëhen serioz, këndojnë Himnin e Kosovës, bashkë me zërin e fëmijëve bashkohen në këngë dhe zëri i gjithë të tjerëve.
Ndërkaq juria e kuizit përbëhej nga:
Kryetar z. Fitim Gllareva.
Anetarë: znj.Panorea Zhonga Gjoligu, Noke Abilekaj, Jovan Mëhilli mësues si dhe Antigona Simoni, prind dhe bashkëpunëtor në pikën shkollore në Rendi.
Juria zuri vendet! Emocionet filluan! Për të realizuar dëshirën e Angjelos, ky nxënës i shkëlqyer në Aspropirgo ku gjatë përgatitjes për konkurs u frymëzua dhe krijoi një poezi që ia kushtonte 14- vjetorit të Pavarësisë së Kosovës, dëshironte të recitonte poezinë për të përshëndetur shokët dhe të gjithë të pranishmit por për të hapur dhe siparin e kuizit.
Recitimi i Angjelos mori duartrokitje! Kaq u desh për t’u dhënë zemër të gjithëve.
Gara filloi! Juria drejtonte e vlerësonte më së miri përgjigjet e sakta.
Kuizi ishte i ndarë në shtatë rubrika me pyetje njohëse dhe pyetje formuese, me pyetje për historinë e Kosovës, për heroinat dhe heronjtë dje dhe sot. Rubrika interesante ishin pozita gjeografike, pasuritë natyrore, relievi dhe bukuritë natyrore. Kishte pyetje rrufe, pyetje enigmë, të njohim personalitete të Kosovës, nga fusha e historisë dhe kulturës, recitimi me i bukur duke përdorur elemente shprehës etj…
Ndërsa juria duke ecur nga një rubrike në tjetrën ndiqte se çdo grup kishte pikë të barabarta deri në fund të 7 rubrikave.
Për këtë barazim pikësh u desh të shtyhej gara tri herë me pyetje të formuara nga vetë juria. Mësuese Panorea i vuri në garë të fortë nxënësit. Gara u bë me e nxehtë. Por përsëri garuesit i kapërcyen pyetjet sfiduese.
Të tria pikat shkollore Rendi, Aspropirgo dhe Athinë iu përgjigjën saktë pyetjeve të jurisë.
Kështu, Kryetari i Jurisë se kuizit z.Fitim Gllareva së bashku me tri përfaqësuesit e tjerë të jurisë vendosën që kjo garë kuizi të përfundonte në barazim për të tria pikat shkollore. Çdo garuesi i vendosën në gjoks medaljen e fituesit. Po ashtu dhe në pauzën midis konkurimit z.Fitim Gllareva i përgëzoi fëmijët dhe mësuesen për përgatitjen e konkursit në nder të 14-vjetorit të Pavarësisë së Kosovës.
Profesor Novruz Abilekaj u foli fëmijëve për rrugëtimin historik në shekuj e deri në Ditën e Shpalljes së Pavarësisë së Kosovës.
Pas përfundimit të konkursit atmosferën e kësaj feste kombëtare e gjallëroi Grupi Polifonik lab , “Buron Kënga Labe” me këngë kushtuar Pavarësisë së Kosovës.
Artistët tanë shprehën me këngë e me shpirt dashurinë e madhe, respektin dhe krenarinë për Kosovën tonë legjendare.
Grupi “Buron kënga labe, përbëhet nga:
Marrësi Veri Onjea, Kthyesi, Mujo Lala,
Hedhësi Sofo Katia, Iso, Kamber Dajko,
Panajot Kasi, Dashi Aliko, Cajup Zholi.
E përgëzoj grupin, për emocionet që na fali, duke iu uruar suksese në skena festivalesh.
Tani nxënësit, pas këtij kuizi ndihen më të pasur me dashurinë dhe njohuritë për Kosovën, të cilët kur të rriten do t’i thellojnë dhe më shumë. Por njohuritë e këtij kuizi do të mbeten xhevahiret më të cçmuara në arkivin e tyre, për të gjithë heronjtë e Kosovës që projektuan si amanet, si ëndërr, e si shpresë Pavaresinë e Republikës së Kosovës!
Urime Kosovë! E gëzofsh brez pas brezi Pavarësinë dhe Lirinë e Dardanisë!
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
