Shkaku i pandemisë, shumë aktivitete që ndërlidhen me festat tona kombëtare janë anuluar apo janë zhvilluar në kushtet që imponojnë masa rigoroze. Ndaj edhe në këto rrethana, në përputhje me këto masa, në kuadër të Shkollës Shqipe në Ostermundigen të Bernës, të dielën u organizua një ekspozitë me punimet e nxënësve kushtuar Pavarësisë së Kosovës.

Me këtë rast shkolla në fjalë, për një rrugëtim të tillë përmes kulturës dhe traditës, pasi në ekspozitë pati edhe kostume kombëtare, përgëzon dhe falënderon Shoqatën Kulturore Shqiptare “Bashkimi”, për organizimin e eventit kaq dinjitoz dhe shumë të suksesshëm, dhe njëkohësisht, e falënderon për bashkëpunimin e shkëlqyer me Shkolla Shqipe Ostermundigen Bern.

Shkolla, në shkrimin e saj dërguar portalit tonë prointegra.ch nënvizon se pati:  “Këmbim librash me të nderuarin Ilir Xheladini dhe si gjithmonë e në çdo aktivitet kulturor pranë nesh është gazetari i nderuar Kasam Selimi. Si çdoherë të gatshëm për bashkëpunim dhe prezent në ekspozitë, ishin prindërit, që janë shembull, se si duhet ruajtur dhe përcjell gjuha shqipe, tek fëmijët e lindur e rritur në mërgatë.

Nuk mungoi edhe bashkëpunimi me koleget dhe nxënësit e tyre.

Faleminderit!

Së bashku jemi më të suksesshëm”, thuhet në njoftimin e kësaj shkolle që udhëhiqet nga mësuesja shembullore Ida Jashari, e cila ka bërë që kjo vatër e mësimit plotësues të bëhet e njohur jo vetëm brenda komunitetit tonë në Zvicër, por edhe më gjer.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.