Ambasada e Zvicrës në Shqipëri ka njoftuar se duke filluar nga dita e nesërme 17 shkurt vendi do të heqë pothuajse të gjitha masat shtrënguese ndaj COVID-19. Sipas njoftimit do të hiqet detyrimi i dëshmisë së vaksinimit, shërimit, testit dhe plotësimit të formularit (PLF) . Gjithashtu maskat dhe certifikatat e COVID-19 nuk do të kërkohen më për të hyrë në dyqane, restorante dhe ambiente apo evente publike.
Njoftimi i plotë:
Duke filluar nga data 17 shkurt 2022 (ditë e enjte):
• Hiqet detyrimi i dëshmisë së vaksinimit, shërimit, testit dhe plotësimit të formularit (PLF) për të hyr në Zvicër.
• Maskat dhe certifikatat e COVID-19 nuk do të kërkohen më për të hyrë në dyqane, restorante dhe ambiente apo evente publike.
• Hiqet detyrimi për të mbajtur maska në vendin e punës dhe rekomandimi për të punuar nga shtëpia.
• Hiqen kufizimet e eventeve private.
Ndërsa mbeten në fuqi deri më 31 Mars:
• Detyrimi i maskave në transportin publik dhe në strukturat shëndetësore.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
