Presidenti i Dhomës së Biznesit të Diasporës Shqiptare z.Lazim Destani dhe Kryetari z. Ardian Lekaj u takuan në Düsseldorf në zyrat e z. Destani ku u bisedua për shumë çështje për Diasporen Shqiptare dhe në veçanti edhe për forcimin dhe bashkëpunimin e Dhomës së Biznesit të Diasporës Shqiptare në Tirane me Dhomat e Biznesit të rajonit.

“Dhoma e Biznesit është ura lidhëse midis diasporës dhe origjinës shqiptare”- tha ndër të tjera z. Destani.

Prioritet mbetet angazhimi I shqiptarëve në Diasporë, si në fushën e investimeve po aq edhe në sektorë të tjerë  të jetës së vendit.

Dhoma e Biznesit të Diasporës nëpërmjet paketës së shërbimeve të saj i ofron të gjithë investiorëve informacionin dhe mbështetjen për të nisur një investim në vendlindje. Gjithashtu nëpërmjet projekteve të realizuara ka asistuar bizneset vendase me trajnime të specializuara nga Diaspora si dhe ka mbështetur sektorin e prodhimeve të artizanatit.

Në paketën e shërbimeve të Dhomës së Biznesit të Diasporës shqiptare përfshihen:  Asistencë për përgatitjen e Dosjes për Status Investitor Strategjik; Identifikimin e partnerit të biznesit në Shqipëri dhe jashtë saj;

Konsulencë dhe asistencë për regjistrimin e Markave dhe Patentave si dhe për unifikimin e Diplomave Liçencave të huaja; Mentorim për START UP dhe zhvillim biznesi; Përfshirje dhe bashkëpunim në implementimin e projekteve të ndryshme; Konsulta dhe ndjekje të nevojave për integrim në tregun e huaj.

Për më shumë info: https://www.adbc.al/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.