Gjermania u shndërrua në destinacionin e preferuar për emigrim të shqiptarëve vetëm pas vitit 2015. Aktualisht sipas të dhënave të INSTAT Gjermania është destinacioni i katërt për emigrim nga shqiptarët, pas Italisë Greqisë dhe SHBA-së (INSTAT , Diaspora në Shifra 2020).
Përgjatë gjithë periudhës 2011- 2019 llogariten të jenë larguar drejt Gjermanisë rreth 40.468 shqiptarë. Vetëm pas vitit 2015, numri i emigrantëve shqiptarë në Gjermani filloi të rritej me një normë vjetore prej rreth 35 %.
Kjo ka bërë që pesha që zënë emigrantët shqiptar në Gjermani në numrin gjithsej të emigrantëve të katërfishohet nga 1,3 % në 4,2 %.
Nga ana tjetër të ardhurat që ata dërgojnë në Shqipëri, për investime, për të ndihmuar familjet etje kanë ndryshuar. Për të diskutuar mbi këtë realitet të ri të remitancave që vijnë nga Gjermania GIZ Albania dhe GIZ Kosovo në bashkëpunim me EasyPay Albania organizojnë takimi “Migracioni dhe Diaspora në perspektivën e Edukimit Financiar dhe Remitancave”.
Takimi do të zhvillohet ditën e nesërme ora 16:00 on line me pjesëmarrjen e ekspertëve të GIZ nga Programi “Migracioni & Diaspora”, Banka e Shqipërisë, Banka e Kosovës dhe Ria Money Transfer Germany.
Për të ndjekur diskutimin regjistrohuni në linkun: http://bit.ly/3JsfgzL
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
