Edhe këtë vit, Shoqatat e Komunitetit Shqiptar në Australi kane organizuar aktivitete për të kremtuar 14-vjetorin e shpalljes se Pavarësisë së Kosovës.

Në një intervistë për seksionin shqip të radios SBS me gazetaren Majlinda Lulo kreu i komunitetit shqiptar në Melburn dhe Kryetari i Shoqatës se Shqiptarëve të Dandenong-ut, Riza Jaupi treguan me shumë për aktivitete që do të mbahen këtë ditë.

Sezar Jakupi tregoi se Komuniteti shqiptar në Melburn po organizon ceremoninë e ngritjes së flamurit pranë sheshit Federation Square. “Ceremonia do të fillojë në orën 7 të mëngjesit e do të vazhdojë 30 minuta.

Do të mbahen fjalimet përshëndetëse të rastit. Do të jenë këtu prezent e ngarkuara me punë pranë ambasadës së Kosovës këtu znj. Zana Mehmetaj, gjithashtu do të jetë i pranishëm ambasadori i ri i Shqipërisë në Australi z. Adrian Mara, do të ekzekutohen himnet dhe në fund do të bëhet ngritja e flamurit. Në orën 7:30 do të përfundojmë ceremoninë dhe atëherë me ambasadorët do të nisemi për në Dangedong” tregon Jakupi.

Ndresa në Dangedong ku kremtohet për herë të parë pavarësia e Kosovës janë përgatitur edhe aktivitete të tjera.

“Ne në Dangedong e kemi për herë të parë që festojmë Pavarësinë e Kosovës dhe ngritjen e flamurit. Shpresoj që kjo do të vazhdoj edhe më tutje” thotë Jaupi.

Ai gjithatu rrëfeu se pas përfundimit të ceremonisë në Melburn ceremonia në Dangedong është përcaktuar të fillojë në ora 8:30 në mëngjes.

“Pastaj kemi angazhuar fëmijët për të kërcyer valle, do të ketë fjalime të ndryshme. Janë të ftuar disa persona nga komuna e Dangedongut po ashtu edhe nga anëtaret e parlamentit. Pas ceremonisë është organizuar edhe një mëngjes në restorantin e shqiptarëve nga Kosova aty pranë për të gjithë pjesëmarrësit. Janë të mirëpritur të gjithë shqiptarët kush ka mundësi”, përfundon Jaupi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.