Ambasada Shqiptare në Greqi njofton se kanë mbërritur Pasaportat dhe Kartat ID për aplikimet e kryera deri në datën 28 janar 2022. Për tërheqjen e dokumenteve biometrikë, mund të paraqiteni pranë sporteleve të Zyrës Konsullore nga e hëna deri të premten, nga ora 09:00 deri në orën 14:30.
Sqarohet gjithashtu se janë postuar të gjitha dokumentet për aplikimet e kryera deri në datën 28 janar 2022, për të cilat pranë Zyrës Konsullore është dorëzuar deklarata përkatëse.
Sjellim në vëmendjen tuaj se, të gjitha kartat ID të tërhequra me postë janë të pa aktivizuara elektronikisht, për rrjedhojë ato nuk mund të përdoren në shërbimin bankar në Shqipëri.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
