Filmi “Zgjoi” nuk arriti të nominohej për çmimin Oscars 2022. Ky film ishte në listën e ngushtë prej 15 filmash që u nominuan në kategorinë e filmit më të mirë ndërkombëtar. Pas këtij lajmi, ka reaguar aktorja e Yllka Gashi, e cila përmes një postimi në Facebook ka shprehur gjithë mirënjohjen e saj për të gjithë ata që e mbështetën këtë projekt.

““Zgjoi” që e punuam me shumë pasion e përkushtim, na hapi dyer e na e mundësoi jo vetëm të kemi shpërthim ndërkombëtar në karrierat tona, por edhe ta promovojmë Kosovën e suksesin e grave të Kosovës!“Zgjoi” na solli gëzim e na bëri krenarë të gjithëve dhe shkroi histori te re për kinematografinë tonë! Ishte dhe mbetet rrugëtim i bukur e i paharruar, për të cilin jam shumë falenderuese! Falemnderit shumë që u gëzuat për ne e për dashurinë e përkrahjen e jashtëzakonshme që na e keni dhënë që një vit!

Jam e bindur që në vitet në vijim filmi kosovar do të bëjë histori duke u nominuar e fituar në edicionet e ardhshme të Akademisë. Kosova ka shumë talent e rrëfime autentike të cilat duhet t’i tregojmë! Edhe njëherë faleminderit nga zemra!”, shkroi aktorja në postimin e saj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.