Shoqata e Mjekëve Shqiptarë në Gjermani ka organizuar dje, ditën e dytë të fushatës së vaksinimit falas, në ambientet e GTÜ Prüfstelle Karlsruherstrasse.

Në këtë faze të dytë të fushatës së vaksinimit falas ishin të ftuar edhe konsulli i Kosovës Imer Lladrovci dhe me bashkëshorten e tij Iliriana Baraliu-Lladrovci, Presidenti i Shoqatës Gjermano-Kosovare Jens Kuderer dhe Ministrin e Turizmit, Kulturës dhe Rinisë për Landin e Baden-Württemberg dhe Dr. Alexander Becker MdL, si dhe themeluesin dhe presidentin e Lobit Shqiptar Skënderbeg Klaiqi.

Kjo nisëm u përshëndet nga të gjithë të pranishmit. U diskutua rreth rëndësisë që ka ofrimi i këshillimit rreth llojeve të vaksinave në gjuhën shqipe për ti ardhur në ndihmë komunitetit të madh shqipfolës në Landin e Baden-Württemberg e më tej, për ta sensibilizuar popullatën shqiptare rreth rëndësisë së vaksinimit si e vetmja mënyrë për ti dhënë fund pandemisë Covid 19.

Prej disa muajsh tashmë shoqata e mjekëve shqiptarë në Gjermani me mbështetjen e Medical Group GoSolution, dhe Dr. Dietmar Nikolai Vincent Paul organizon këshillim dhe fushata vaksinimi për të gjitha moshat.

Shoqata e mjekëve shqiptarë në Gjermani ofron në cdo kohë asistencë dhe informacion falas rreth temës së vaksinimit dhe ofron vaksinim falas për të gjithë qytetarët shqiptarë që janë të regjistruar në Gjermani.

Vaksinat që disponojmë janë:

• Biontech për fëmijët e moshës mbi 5 vjec
• Biontech për të rritur
• Moderna
• Johnson&Johnson

Dhe shumë shpejt: Novovax

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.