8 persona janë arrestuar nga policia greke deri më tani për shkak se akuzohen për vrasjen e 19-vjeçarit Alkis.

Arrestimet kanë vijuar që herët në mëngjes ndërsa vijojnë ende. Gjashtë personat e mëparshëm të arrestuar janë pesë grekë dhe një shqiptar, të gjithë nga mosha 20 deri në 23 vjeç, të cilët besohet se kanë luajtur një rol aktiv në vrasjen e 19-vjeçarit dhe plagosjen e të dy shokëve të viktimës, të martën e kaluar në Charilaou.

Sipas informacioneve, dy të sapo arrestuarit janë dy grekë të lindur në vitet 1999 dhe 2001. Tashmë dy të tjerë janë në kërkim. Konkretisht në kërkim është një grek që dyshohet se fshihet në Athinë dhe për shqiptarin i cili është arratisur drejt vendit tonë.

Deri më tani janë lëshuar 10 urdhër arresti për persona të përfshirë në vrasjen brutale të 19-vjeçari grek.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.