Presidenti Ilir Meta dekoroi me titullin e lartë “Kalorës i Urdhrit të Flamurit” kirurgun kardiolog dhe mjekun humanist Kristo Papa.

Titulli i lartë iu akordua mjekut Kristo Papa me motivacionin “Për kontributin e tij në fushën e shëndetësisë, si mjek human në shërbim të bashkëkombësve shqiptarë, patriot, veprimtar shoqëror, studiues dhe organizator i veprimtarive shkencore në disa shtete, të cilat kanë lartësuar vlerat e kombit tonë në Itali, Britaninë e Madhe dhe në diasporën shqiptare”.

“Jam nderuar nga Presidenti i Shqipërisë me medaljen e “Kalorës i Urdhrit të Flamurit” privilegji më i lartë i dhënë për një kardio kirurg në vendin shqiptar. Çfarë nderi për mua dhe familjen time. Ndjej mirënjohje për të gjithë pacientët e mi që kam ndihmuar për një jetë më të mirë”, shkruan ne facebook kirurgu.

Lexo edhe: Britani / Kirurgu shqiptar kryen transplantin e mushkërive të pacientja me Covid

Në fjalën e tij, Meta u shpreh se Papa është dalluar në shumë vende të Evropës, për profesionalizmin dhe kontributin e tij në fushën e mjekësisë, Dr. Papa është edhe një patriot i vërtetë, i cili e ka vënë veten dhe aftësitë e tij profesionale në shërbim të bashkëkombësve tanë në Shqipëri, Itali, Britaninë e Madhe dhe diasporë”.

Papa është i njohur në komunitet edhe për aktivitetin e tij humanist. Në vitin 2020 ai organizoi një nismë për dhurata për Shtëpinë e Fëmijës në Vlorë

Ndërsa në vitin 2021 prezantoi një nismë mjaft të veçantë për të ndihmuar shqiptarët që përballen me probleme shëndetësore. “Një zemër për shqiptarët” një fondacion i krijuar nga mjeku i cili përpiqet që të zgjedhë rastet më të vështira dhe të krijimin e mundësisw së operimit në Britani ose në vendet që kanë anë logjistike.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.