Vijojnë hetimet për arrestimin e huliganëve që vranë 19 vjeçarin grek Alqis Kambanu të hënën pas mesnate në Selanik. Me ndërhyrjen e Gjykatës së Lartë të vendit grupi që sulmoi të rinjtë nga tifozë konsiderohen bandë kriminale, ndërsa policia greke ka nisur një operacion special për arrestimin e shpejtë të gjithë të implikuarve. Sipas të dhënave të fundit, rol kryesor në vrasje kishte dhe një 20 vjeçar shqiptar, shokë i ngushtë i 23 vjeçarit të arrestuar. Sipas të dhënave, 20-vjeçari ka kaluar kufirin drejt Shqipërisë ditën e enjte ku dhe mendohet se fshihet. 20-vjeçari gjithashtu është ndaluar nga policia në vitin 2019, për dhunë kundër tifozave të skuadrës kundërshtare Aris. Me habi policët duke kërkuar në sistem të dhënat e 20-vjeçarit vunë re se ka vulosur pasaportën në pikën kufitare drejt Shqipërisë mesditën e të enjtes. Policia greke ka lëshuar urdhër arresti ndërkombëtar, për kapjen e 20-vjeçarit që sipas këtyre të dhënave fshihet tashmë në Shqipëri.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.