Në kuadrin e 95 vjetorit të lindjes së kompozitorit Çesk Zadeja dhe 25 vjetorit të ndarjes së tij nga jeta, ky vit shpallet viti i nderimit të kësaj figure qendrore të muzikës shqiptare. Lajmi u bë sot i ditur gjatë një konferencë për shtyp në sallën “Zadeja” në Universitetin e Arteve, në Tiranë.

Një kalendar aktivitetesh kushtuar Zadejës dhe trashëgimisë së tij muzikore do të publikohet, veprat e tij do të interpretohen si asnjëherë më parë në skenat e koncerteve, ato do të botohen, për të do të ketë studime e botime thelbësore, dokumentarë televizivë, do të flitet në aulat e shkollave tona etj, etj…. e deri një fond mbështetje për kompozitorët e rinj që do të mbajë emrin e tij do të themelohet.

Studiuesi Vasil Tole shkruan se Ministria e Kulturës, Akademia e Shkencave, Universiteti i Arteve, Bashkia Tiranë, Orkestra Simfonike e RTSH, Teatri Kombëtar i Operas dhe Baletit dhe Ansambli Popullor, Liceu Artistik, Qendra Kulturore Shkodër janë institucionet që deri më tani janë angazhuar në këtë nismë, nismë e cila ndërmerret edhe 7në vitin e 110 vjetorit të shpalljes së Pavarësisë, të 65 vjetorit të themelimit të Ansamblit Kombëtar të Këngëve dhe Valleve Popullore,  të 60 vjetorit të krijimit të Konservatorit Shtetëror të Tiranës, të 60 vjetorit të krijimit të orkestrës simfonike të RTSH etj.

Ftohen edhe të tjera institucione, publike e private, në Shqipëri, Kosovë, në Maqedoninë e Veriut dhe në diasporë ti bashkohen me aktivitete konkrete vitit të Zadejës së madh.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.