Sot në mbrëmje në Itali nis edicioni i 72-tw i Festivalit të këngës Sanremo. Në garën e 25 artistëve të këtij viti nuk ka emra shqiptar, por në festival sigurisht që do të ketë prani të tyre. Drejtuesi artistik dhe prezantuesi i këtij viti Amadeus ka njoftuar se këtë vit risi e festivalit do të jetë Krocera Sanremo. Një skenë paralele e festivalit e zhvendosur në një anije në qiell të hapur. Sipas drejtuesit artistik këngëtarët do të vijnë në skenën e Ariston pas një ndalese të shkurtër në anije, ku prezantues do të jenë  Orietta Berti e Fabio Rovazzi. Sipas kalendarit të Sanremo nga sot (1 shkurt) deri të premten (4 shkurt), dy artistët do të jenë në një anije të madhe turistike, në të cilën do të presin këngëtarë dhe personazhe të ndryshëm, duke i dhënë jetë momenteve unike. Me pak fjalë, ata do të jenë nikoqirët e skenës së parë të hapur në mes të detit në historinë e Festivalit.

Në natën e dytë pikërisht në skenën e hapur të krocerës do të jetë artisti shqiptar Ermal Meta.

Të shtunën (5 shkurt), Fabio Rovazzi dhe Orietta Berti do të ribashkohen me kapitenin e tyre të vërtetë, dirigjentin dhe drejtorin artistik të Sanremo Amadeus. Më pas, ata do të braktisin varkën dhe do t’i bashkohen atij në skenën Ariston.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.