Komuniteti Shqiptar i Selanikut dhe Klubi Letrar i Selanikut “Salonica Literature Club”, kanë njoftuar organizimin e konkursit letrar me autorë shqiptarë që jetojnë e punojnë jashtë vendit.

“Tematika e krijimeve do të përmbledhë libra në prozë, poezi, ese historiko- publicistike në gjuhët shqipe dhe greke, si edhe botime dy gjuhëshe shqip-greqisht, ku fituesit sipas zhanreve do të vlerësohen me çmimet përkatëse.

Gjithashtu me çmim të veçantë do vlerësohen shkrimet e nxënësve dhe studentëve shqiptarë që studjojnë në sistemin arsimor grek. Shpallja e fituesve të konkursit do të bëhet në përvjetorin e themelimit të Klubit Letrar të Selanikut, në fund të muajit tetor 2022” thuhet në njëoftimin e komunitetit.

Afati i aplikimit – 31 korrik 2022.

Së shpejti do të publikohet njoftimi i hollësishëm për procedurat e konkursit.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.