Muzeu Historik dhe Rajonal Izmail i Pridunavy, së bashku me shoqatën “Bashkimi i Shqiptarëve të Ukrainës” bëri të mundur hapjen e ekspozitës “Bota e frymëzimit”, e para ekspozitë personale e artistes së re me origjinë shqiptare, Inna Beltek.

Artistja përdor kombinime të pazakonta ngjyrash për të krijuar pikturat e saj të mbushura me gëzim dhe mirësi. Natyrisht, përveç njohurive profesionale në fushën e arteve figurative, Inna Beltek ka një talent të natyrshëm. Merita e origjinalitetit të krijimeve te saj mbetet padyshim kultura e vendit të saj të origjinës, Shqipërisë.

Gjatë ceremonisë së hapjes së ekspozitës kryetari i shoqatës “Bashkimi i Shqiptarëve të Ukrainës” Alexander Dermentli falënderoi drejtoreshën e Muzeut Pridunavia Olga Tiron, i dhuroi asaj një certifikatë mirënjohje “Për bashkëpunim dhe kontribut në zhvillimin e kulturës së etnisë shqiptare në territorin e Izmailit”.

Inna Beltek ka lindur në vitin 1999 në një familje shqiptare në qytetin e Karakurti (Zhovtnevoe), rajoni i Bolgrad. Që në fëmijëri ajo është angazhuar në komunitet në kurset e vizatimit dhe valleve popullore shqiptare. Duke parë talentin e saj prindërit vendosën ta dërgojnë në një shkollë arti.

Inna studioi në shkollat ​​e artit në Bolgrad dhe Izmail. Natyra krijuese e Inna-s kërkonte një mënyrë të re të vetë-shprehjes, kështu që artistja e re filloi të ndiqte klasat e vallëzimit, ku nëpërmjet valles popullore shqiptare zbuloi një interes të veçantë për historinë e popullit shqiptar, muzikën, kostumografinë, kulturën estetike dhe shpirtërore. Në vitin 2016 ajo ndjek Fakultetin e Artit dhe Dizajnit në Universitetin Ndërkombëtar të Shkencave Humane në Odessa. Në vitin 2020 pas diplomimit në MSU, merr diplomën bachelor në degën “Dizajnues, interpretues i objekteve multimediale”. Në Prill 2021 përfundon kursin në profesionin “Info Product Designer” dhe “Targetologist” dhe fillon punën si dizajner.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.