Kostas Nikouli është një aktor 27 vjeçar me origjinë shqiptare i cili po ngjit me shpejtësi shkallët e suksesit në Greqi. I njohur për publikun me rolet e tij në kinema si The Republic (2015), Xenia (2014) and Decadence  (2019).

Aktori në një intervistë televizive në “Studio 4” foli hapur për gjithçka, si për origjinën, bullizmin që ka marrë në moshë të vogël ashtu edhe për hapat e tij në aktrim.

“Nuk kam turp për origjinën time. Mbaj mend që në moshë të vogël që letërnjoftimi im nuk ishte me ngjyrë blu, ishte rozë dhe kishte shkruar Nikouli. Në shkollë nuk kam qenë i vetmi fëmijë me identitet rozë”, tregon  Kostas Nikouli

“Në shkollë më bënë të ndihesha i padëshiruar, por jo aq shumë për prejardhjen time. Ju mund të ndiheni i padëshiruar diku që ata nuk duan që ju të jeni. Racizmi ekziston në gjithçka. Isha pak krenar dhe thashë se nuk është diçka për të cilën duhet të turpërohem. Fëmijët janë të pafajshëm dhe nuk e dinë se çfarë do të thotë, çfarë mund t’i bësh tjetrit. Ajo që më bënë është të jem më i fortë, të mos turpërohem dhe të mos fshihem”.

“Problemi i shoqërisë është i huaji, frika. Kur nuk ke forcë të përqafosh diçka dhe nëse e studion dhe e kërkon dhe ndoshta nga mërzia nuk dëshiron të hysh në këtë proces, atëherë largohesh dhe thua se kjo është diçka e huaj që do të më lëndojë” tha ndër të tjera ai gjatë intervistës.

Megjithatë Nikouli reaitetin sot e sheh ndryshe: “Besoj se tani jemi në një shoqëri ku ata (njerëzit racistë) janë zhdukur. Ka një zhvillim, ne kemi bërë hapa përpara, thjesht me sa shoh, ka kaluar në një fazë tjetër dhe tani mund të mos jetë një fëmijë nga Shqipëria, por një fëmijë, me një fe tjetër, me një tjetër seksualitet etj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.