Këto ditë Shtëpia Botuese “Tellwell” në Kanada ka botuar librin për fëmijë “Gomo and Zebrone, Inseparable Cousins in Persuit of Their Dreams” nga autori shqiptar Tani Shallari. Në një bisedë të shkurtër për gazetën “Diaspora Shqiptare” autori i këtij libri thekson se ky është libri i tij i parë i shkruar në gjuhën angleze. “Është një libër për fëmijë, i cili bën fjalë për besimin në vetvete dhe në ëndrrat. Nëse ata besojnë mund t’ia dalin mbanë, dhe ëndrrat mund të realizohen”- thotë ai.

Libri ka dy kushërinj- personazhe, Gomo dhe Zebrone, të cilët nisen në një udhëtim për të bërë të mundur realizimin e ëndrrave të tyre…Me përplot aventurë e humor, libri ka një fund të  lumtur dhe të suksesshëm për personazhet e tij. “Çfarë do që ti bën dhe cilido ti je, beso në vetvete dhe ndiq ëndrrat. Ëndrrat bëhen realitet”- konkludon autori.Bottom of Form

Edhe Shoqata Shqiptaro- Kanadeze në  Calgary ka dhënë njoftimin për botimin e librit: “Në  mes të komunietit tonë në Calgary kemi edhe shkrimtarin Tani Shallari, libri i parë në gjuhën angleze i të cilit titullohet “Gomo and Zebrone, Inseparable Cousins in Persuit of Their Dreams”. Ai është një libër për fëmijë, i cili bën fjalë për besimin në vetvete dhe në ëndrrat. Nëse besojnë, mund t’ia dalin mbanë”-  thuhet në postimin e shoqatës në faqen e saj në Facebook. Libri gjindet edhe në formatin e-book në Amazon dhe Hardcover në Indigo dhe Chapters.
Autori i këtij libri, Tani Shallari është nga fshati Grevë e Skraparit.  Shkollën 8 vjeçaree  bëri në fshatin Grevë, të mesmen ‘’Pandeli Sotiri” në Gjirokastër, ndërsa studimet e larta i ndoqi në Universitetin “Aleksandër Xhuvani” në  Elbasan. Ai tregon se kishte punuar si mësues  Gjuhës Frënge dhe asaj Angleze për 12 vite. Në Kanada ka ardhur më 14 gusht 2019. Ky është libri i tij i parë në gjuhën angleze.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.