Shoqata e Artistëve Shqiptarë të Kroacisë “Dea” më 17 janar ditën kur mbarë shqiptarët kujtojnë largimin nga kjo jetë të Heroit kombëtar Gjergj Kastriot Skënderbeun kanë vizituar ambasadën e Kosovës në Zagreb. Në këtë ditë të veçantë Ambasada e Republikës së Kosovës në Republikën e Kroacisë kishte organizuar aktivitetin Ditë e Hapur. Me këtë rast, ambasadori Dr. Martin Berishaj përshëndeti shumë komunitete dhe shoqata kulturore shqiptare që veprojnë në Republikën e Kroacisë.

Në emër të Shoqatës së Artistëve Shqiptarë të Kroacisë “Dea”, Presidentja znj.Ljiljana Koci i dhuroi ambasadorit Dr. Martin Berishaj gjashtë libra nga shtëpia botuese “Biblioteka Dea”.

“Dua të kujtoj pjesëtarët e komunitetit shqiptar që sot nuk janë më mes nesh, dhe që lanë gjurmë të pashlyeshme: si gjeneral Tomo Berishaj, Prof.Dr.Zef Mirdite, Gjeneral Ramiz Abdyli, Prof.Dr. Aleksandar Stipçeviq, Fehmi Lladrovci, Bekim Berisha – Abeja, Xhelal Hajda – Toni, Agim Ramadani e shumë të tjerë, duke mos harruar edhe veprimtarë të tjerë të komunitetit si Dr.Muharrem Nexhipi, Myzafer Rexhepi, Pashko Kabashi, Mikel Kuznini.Gerga Martiq dhe Silvije Strahimir Kranjçeviq, një nga figurat më të rëndësishme të rilindjes kombëtare at Gjergj Fishta, at Shtjefen Gjeçovi, si dhe shkencëtari i madh kroat Dr. Milan Šufflay’ tha ndër të tjera në fjalën e tij ambasadori duke vënë në dukje marrëdhëniet miqësore dhe të forta ndërmjet Republikës së Kosovës dhe Republikës së Kroacisë nga ato investime politike, ushtarake, arsimore dhe sipërmarrëse etj.

Të pranishmëve iu drejtuan edhe përfaqësuesit e shqiptarëve, boshnjakëve, malazezëve, sllovenëve dhe maqedonasve në Kuvendin e Kroacisë, të cilët ofruan bashkëpunim pa rezerva.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.