E lindur dhe rritur në Tiranë, por me origjinë nga qyteti i bukur i Pogradecit prej 7 vitesh Borana Korça e ka zhvendosur jetën e saj në Riad.

Ajo e ka nisur karrierën në aviacion në Shqipëri në një moshë shumë të re si stjuardesë dhe më pas si shefe kabine dhe në Departamentin e Planifikimit të Ekuipazheve. Pas mbylljes së operimeve nga kompania ajrore ku punonte u vendos në Arabi Saudite. E ftuar në emisionin “Dita jonë” në A2CNN ajo ka rrëfyer më shumë për jetën dhe punën e saj në Arabinë Saudite

“Në Riad kam pothuajse 7 vite që jetoj. Në fillim kam ardhur si stjuardese dhe më pas kam filluar të jem instruktore e shërbimit dhe kam kaluar edhe si instruktore e menaxhimit të ekuipazhit dhe tani aktualisht jam edhe menaxhere e përkohshme  e trajnimit të stjuardesave”.

Duke folur për ndryshimin mes kulturave Korça tha se përshtatja me jetën në Riad në fillim nuk ka qene e lehtë. Vendi ishte shumë herë më i mbyllur dhe njerëzit shumë fanatik ndaj kulturës së tyre. Ndërsa në harkun kohor të 7 viteve gjerat kanë ndryshuar shumë dhe qyteti tashmë është pothuajse një metropol.

“Kur kam ardhur në fillim kam menduar se do të jetoj një ose dy vite maksimumi pastaj do të kthehem prapë në Shqipëri. Por pastaj për shkak të punës dhe angazhimit jam tërhequr nga kjo pjesë dhe nuk kam një plan konkret. Sigurisht që është pjesa për tu kthyer në Shqipëri por që për momentin ndjehem shumë mirë me punën dhe ndoshta në një të ardhme të largët”, tha ajo.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.