Xhelal Mitrovica ishte një intelektual i formuar, studiues i zellshëm dhe luftëtarë për çështjet kombëtare. Një orator e poliglot që mahniste me dijet dhe kulturën, një ndër gazetarët më të njohur në kohën e vet.

Ai ka qenë një patriot dinamik dhe ishte pjesë e çdo aktiviteti me karakter politik, kulturor, arsimor në Diasporë, deri në momentin kur ndërroi jetë në Toronto të Kanadasë më 10 nëntor të vitit 1974.

Atdhetari dhe intelektuali shqiptar, Xhelal Mitrovica ishte i  biri i Dervish Mitrovicës, oficer i ushtrisë osmane dhe më pas veprimtar i Komitetit “Mbrojtja Kombëtare e Kosovës”.

Pa mbushur ende tre vjeç, familja u shpërngul drejt Shkodrës, ku mori mësimet e para në Kolegjin Saverian. Ka qenë mësimdhënës në Gjimnazin dhe në Normalen “Sami Frashëri”, në Prishtinë gjatë Luftës së Dytë Botërore dhe pjesëmarrës në Lidhjen e Dytë të Prizrenit që u mbajt në shtator të vitit 1943.

Deputet i Mitrovicës në Parlamentin e Shqipërisë, prej datës 18 korrik  deri më  28 gusht 1944, në qeverinë e Fiqri Dinës.

Ishte njëri ndër gazetarët më të sprovuar e më të mirë të kohës, bashkëpunëtor në të përkohshmet “Kosova”, “Lidhja e Dytë e Prizrenit”, “Bashkimi i Kombit”, Koha e Jonë”, drejtues i gazetave “Vatra Shqiptare” dhe “Buletini i Lidhjes së Shqiptarëve” në Australi etj.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.