Njerëzit  e njohur kanë një sërë mekanizmash për tu pasuruar, të cilat përfshijnë “dhurimin e imazhit” të tyre, pjesëmarrje në evente private etj. Por edhe fotografinë ata e shohin si një mundësi për të bërë lek. Sot të bësh fotografi me një personazh të njohur të show-biz nuk është falas.

Madje jo vetëm foto por nëse paguani ju mund të merrni një paketë të plotë dhuratash të personalizuara.  Si psh në rastin e këngëtares së njohur shqiptare Dua Lipa. Për ta takuar Dua Lipën në prapaskenë kushton as më pak e as më shumë se sa 1842 paund (2200 euro).

Fansat paguajnë për një biletë të cilësuar si “festë shtëpie” para shfaqjes së mbajtur në vendin e koncertit. Paketa përfshin një mësim kërcimi nga një koreograf profesionist, akses në një skuadër të grimit dhe një fotografi me vet yllin me prejardhje shqiptare.

Ka qenë Tabloidi britanik “The Sun”  cili ka publikuar një shkrim ku tregon shifrat për të pasur një foto me idhullin tuaj. Sipas “The Sun” për të parë nga afër Wayne Rooney, një fansi mund t’i kushtojë deri në 450 paund (540 euro).

Çmimi i biletës përfshinte një takim dhe përshëndetje me menaxherin e Derby County në një hotel në Manchester, një fanellë të nënshkruar, pije falas, darkë me tri pjata dhe një fotografi me të.

Ndërkohë, bileta të tilla për të takuar të famshëm të tjerë nga afër kanë këto çmime:

Justin Bieber – 900 paund(1080 euro) Arnold Schëarzenegger – 745 paund (890 euro) Alicia Keys – 628 paund (750 euro) Steps – 375 paund (450 euro) Blu – 349 paund (420 euro) Ronan Keating – 240 paund (290 euro) Gary Neville – 150 paund (180 euro) Gemma Collins – 115 paund (140 euro) Paë Patrol – 68 paund (80 euro) Ricky Hatton – 60 paund (70 euro) justin b– 50 (60 euro).

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.