Dr. Pashko Camaj është pedagog në Herbert Lehman College të Nju Jorkut dhe në Universitetin Uilliam Paterson.

Në një lidhje me Skype nga SHBA ai ka folur për situatën e Covid-19 në të gjithë botën.

Sakaq, doktori është ndalur edhe te pasojat që koronavirusi ka lënë pas, veçanërisht në gjendjen psikologjike të popullsisë.

Sipas Camaj, të gjithë i harrojnë efektet anësore, por ato janë të rëndësishme.

“Efekti i kësaj pandemie nuk ka qenë vetëm përmes presioneve, përmes sëmundjeve, por natyrisht ka pasur edhe një efekt në ekonomi. Natyrisht e kemi parë përditë, por edhe një efekt psikologjik te njerëzit. Kemi parë studime që flasin për probleme në rini, në shkolla, janë pothuajse dy vite të larguar nga shkolla.

Edhe nga një herë i harrojmë këto efektet anësore, ndoshta shërimi është më problematik se sëmundja”, u shpreh ai./abcnews.al

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.