Pasi kemi kaluar një mbrëmje të këndshme te Hora e Arbreshëvet, ekipi ynë të nesërmen para dite me 16 Nëntor 2021 u gjend në fshatin e vogël arbëresh, Sëndahstinë (Santa Cristina Gela), vetëm 4-5 kilometra nga Hora. Aty në shesh takuam ca të moshuar para një kafeje me të cilët mundëm të bisedonim edhe shqip. Përndryshe ky ngulim që numëron rreth një mijë banorë dhe që në shesh të pret me mbishkrimin në murin e jashtme të kishës me : Mirë se na erdhët te Sëndehstines”, ngjashëm me në tabelë po me këtë urim mikpritjeje. Ndërsa gjatë ecjes rrugëve të këtushëm gjen edhe toponime si këto:  Via “Scanderbeg”, “Via Liga Di Prizren”, “Via Tirana” etj. Pra për herë të parë këtu në Sicili shohim një toponim me emrin e një ngjarjeje kombëtare të zhvilluar në një qyteti të Kosovës dhe të një ngjarje historike siç është Lidhja Shqiptare e Prizrenit.

Përndryshe siç mësojmë nga libri: Udhëtime në ngulimet arbëreshe”,  simboli i qytetit është Chiesa Madre Maggiore, që festohet më 24 korrik dhe se riti bizantin këtu u ruajt deri në gjysmën e shekullit XIX, ndërsa      tani janë konvertuar në ritin latin. Por vijon të ruhet gjuha shqipe dhe kostumet”. Nga ky libër mësojmë gjithashtu se, Sëndahstina u themelua më    31 maj të vitit 1691, kur 82 fermerë nga Hora e Arbëreshëvet morën pronën feudale fqinje të Santa Cristina prej kryepeshkopit të Palermos, me qëllim ndërtimin e shtëpive. /Priontegra/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.